Өзбекстан кәсиплик аўқамлары Федерациясының Қарақалпақстан кеңеси тәрепинен «Жаңа Өзбекстанда ел әзиз, инсан әзиз!» ураны тийкарында қайырқомлық илажлары өткерилип атыр.

Жақында Өзбекстан кәсиплик аўқамлары Федерациясының Қарақалпақстан кеңеси хызметкерлери, Қарақалпақ мәмлекетлик жас тамашагөйлер театры жәмәәти ҳәмде белсендилер менен биргеликте Нөкис қаласында жайласқан Ҳаяллар «Мүриўбет үйи»нен хабар алды.

Илажда Сенатор, Өзбекстан кәсиплик аўқамлары Федерациясы баслығының орынбасарлары – Қарақалпақстан кеңеси баслығы Улуғбек Жалменов қатнасып, Ҳаяллар «Мүриўбет үйи»нде жасаўшылар менен сәўбетлести ҳәмде олардың жасаў шараяты менен жақыннан танысты.

Илаж даўамында өнермендшилик көргизбеси шөлкемлестирилип, кеўилашар концерт-бағдарламасы қойып берилди.

Өзбекстан кәсиплик аўқамлары Федерациясының Қарақалпақстан кеңеси тәрепинен Ҳаяллар «Мүриўбет үйи»не қайырқомлық жәрдемлери көрсетилди.

Қарақалпақстан Республикасы Жоқарғы Кеңесиниң Мәлимлеме хызмети