Бүгин, Нөкис районы “Саманбай” АПЖ аймағында «Жасыл мәкан» улыўма миллий жойбары шеӊберинде декоратив ҳәм мийўели терек нәллерин егиў ушын орынларды таярлаў бойынша әмелий семинар болып өтти.
Семинарға Қарақалпақстан Республикасы Жоқарғы Кеӊеси Баслығының орынбасары Р.Сапарбаев қатнасты.
Онда Хожели, Тақыятас, Әмиўдарья ҳәм Нөкис қаласынан келген аўыл хожалығы қәнигелерине терек нәллери ушын орын таярлаўда зәрүрли болған компост ҳәм биогумус таярлаў усыллары бойынша кеңнен түсиник берилди.
Соныӊ менен бирге “Жасыл мәкан” улыўма миллий жойбары шеңберинде терек нәллери егилди.
Қарақалпақстан Республикасы Жоқарғы Кеңесиниң Мәлимлеме хызмети